رواية اصل الحكايه – الرابع والاخير – بقلم دودا حودا
🖊️ بقلم: دودا حودا – الأديب المبدع لدى موقع حكايتنا
يلا نكمل قصة
#اصل_الحكاية
الاخيرة
لاكن ارجو رايكم بالتفاعل حتي نستمر بالجديد
طبعا وصلنا اخر مرة عند جوز سلفتي الا فهمني غلط
لما حاولت اعطله قبل مايطلع شقته وتحصل مصيبه لما يشوف زوجته مع واحد غريب بغرفه النوم
وكنت ناسيه نفسي اني لابسه قميص بدون ستر نفسي من القلق الا كنت فيه عشان امنع المصيبه
لاكن بدا يتهجم عليا انا وفاكرني عاشقاة او محرومه لان جوزي مسافر
كل المحاولات دي والتلفون مفتوح الخط بيني وبين مراته لأنها كانت بتستنجد بيا اني اشوف حل وافتح لها باب الشقه قبل جوزها مايرجع من الشغل.. يعني هي سامعه كل كلامنا
دافعت عن نفسي بكل قؤتي معاه عشن امنعه والحمد لله لم ينال مني شئ ودفعته بقوتي وانا بقؤله اطلع شوف مراتك ياحيوان..
لما معرفش يوصل لحاجه معي تركني وخرج وانا فضلت فالسرير علي وضعي منهارة واعصابي سابت من إلا حصل والا لسه هيحصل وخايفه وجسمي بيرعش
ولما طلع فوق فتح الباب علي زوجته ولم يجد شئ طبعا هو مجاش في باله اني بقؤله اطلع شوف مراتك انها بتخونه... لا هو فكر اني بقؤله يعني عندك مراتك فوق اطلعها..
والغريب انه طلع وانا خايفه ومرعوبه من إلا هيحصل لاكن محصلش حاجه فتح الباب عليها لقيها بتبكي قالها مالك قالته الباب قفل عليا والمفتاح برة..
انا حصلي زهول طيب فين الشاب الا كان معاها فالغرفه من شويه..
بعدها اكتشفت انه نزل من شباك المنور علي مواسير الصرف لحد الأرض وطبعا ده كله في نفس الوقت اقل من عشرين دقيقه
قؤلت الحمد لله ربنا سترها ويتوب عليها هي كمان من شغل المراهقين ده وفرحت اوي لما ببص من شباك المنور لقيت الشاب وصل الأرض وخارج من البوابه الكبيرة
لاكن بعد دقيقتين
لقيت حمايا طلع عندي دخل عليا بدون ما يخبط عالباب وعيونه فيها غضب العالم
ويقؤلي بتخوني ابني يا واطية يابنت الكلب ويشتمني بقؤله خيانه ايه ايه الانت بتقؤله ده
قالي دانتي لسه بالقميص وأثر الخيانه معلم علي درعاتك يابنت الكلب وكمان بيطلعك من المنور وينزل من المنور ده ايه الفجر ده
قؤلت له والله العظيم ماحصل انت ليه بتقؤل كدا
قالي منا لسه شايفه وهو نازل من ع المواسير يا..... وبدأ ضرب فيا وشتيمه نزل اخو زوجي وزوجته علي صوته وبدأ يسرد لهم إلا شافه
وبدأ اخو زوجي التاني يقؤلي ااااه بقي كدا..
بدأت اصرخ واقلهم مظلومه واسالو سلفتي كمان
ردت سلفتي قالت يسألوني عن ايه يا قمر هو انا بنام معك 
وبدأت الاهانه من الكل عليا
وجوزي عرف بالخبر. ورمي عليا يمين الطلاق وطردوني من البيت وانا جهازي كله جديد وحكمو عليا ماخدش اي شئ من جهازي
وبدات اترجى في سلفتي انها تشوف حل وتساعدني زي ما ساعدتها وهي عارفه اني مظلومه وهي السبب في كله ده
قالتي ولا اعرفك انا مالي بكله ده وعملت نفسها برئيه من كله
واصبحت انا الخاينة حاولت ابحث عن الشاب لانه التاني يقدر يبرئني لاكن معرفتش له طريق تاني
.
غلب عليا الأمر ورضيت بقضاء ربنا لاكن بعد طلاقي بشهور كتبت رساله لجوزي وسردت فيها كل إلا حصل بالظبط
وحكت له الاحصل من أخوة معي ومن سلفتي
لاكن بعد بدون فايده
ودي آخره النهايه وآخرة الطيبه الذياده
✨ روابط حكايتنا الرسمية
للمزيد من الروايات الحصرية زوروا موقع حكايتنا للروايات الحصرية.
المصدر: للموقع حكايتنا للروايات العربية
