رواية يوميات هجران – الفصل الثامن 8 – بقلم شروق الشمس
🖊️ بقلم: شروق الشمس – قلم مبدع يكتب لحكايتنا
رواية يوميات هجران الفصل الثامن بقلم شروق الشمس
ويا بخت ذيج لمگابر كاشخة بريحة وليدي 💔
تنويه.... كل مامذكور بهذا لبارت عن لسان امل
محمد.... بمصباح يوم لجمعة كعدنة من لصبح باجر التحق لازم هذا ليوم اخلصة وية اهل بيتي التمينة على لريوك كلنة طبيعي بس اله زهرة مااعرف شبيهة كلت يجوز ضايجة لان باجر التحق للدوام ومنا جعفر بعده مريض اكيد التمت عليهة خلصنة ريوك وبدن لبنات يكملن شغلهن
زهرة... زهرة...
وين شاردة احجي وياج
.....
شبيج حبيبتي منو وياج ليش هل دموع تنزل
اشتاقيت الابوية بعد مااتحمل اكثر انتظر مااروح
كومي هسة نطلع
لا عندك دوام باجر
مو مشكلة بس انتي لا تبقين هيج ضايجة نخلي لجهال يم امي نروح وحدنة
لا اخذهم ويانة صار كم يوم ابوية يكلي ليش حارمتني من شوفتهم كلكم تعالو اشوفكم مشتاقلكم
هاي هي خلص كلنة نروح جهزي امورج نطلع بليل علمود لجهال مو حارة عليهم
......
اي ليش هذا لبجي ياروحي انتي
... كلبي مقبوض مااعرف ليش مامرتاحة
انتي كل ماتشتاقين لابوج هيج يصير بيج عوفي من ايدج كلشي روحي ارتاحي بالغرفة اني اطلع اجيبلكم شي ناخذة ويانة بالطريق علمود ارجع انام واكدر اسوق براحتي
تمام....
خليتهة تصعد تنام واني اخذت لجهال وطلعت للاسواق شنو يعجبهم اخذو رجعنة جان زوجة وعد اتسوي غدة امي سألتني على زهرة كتلهة تعبانة شوية
تغدينة وحدنة بدون زهرة احس لاكل زقنبوت بدونهة جعفر بحضن امي ماياكل اي شي بس حليب كطع الاكل كلش من ثاني يوم زفة وعد هيج صار بي كلش تمرض من اخذنا للدكتور طلع عنده يرقان والتهاب بالامعاء واسنانة بس كلش تغير وذبل بهاي لفترة وزهرة تركت كلشي حتى لدوام مالتهة يوم تروح ويومين لا بسبب حرارة جسمة متنزل ابد اله انشمر جانت صديقة الهة كالتلهة سبحي بالبن بس لا تخلين على راسة وزهرة ماصدكت جابتة وكعدتة بنص لبن بس للامانة نزلت حرارتة وثاني يوم نفس لشي بس مو اهواي
جانت امي ماقابلة نطلع بهيج وقت بس لخاطر راحتهة كلشي اسوي رغم ماكدرت انام لان اجوني خطار
خلصت ليوم شلون مجان صارت ساعة 1 بليل تحضرو محد اجة ويانة كالو اخذو راحتكم
انطلقنة بيوم لسبت للنجف طريق كلش طويل بين كل مسافة اوكف ينزلون للصحيات اخذلهم اكل ويرجعون اله زهرة بغير عالم كلش خفت عليهة
لحد مصارت لدنية صبح يالله وصلنة نزلنة بالامام زرنة وارتاحينة شوية هنوب طلعنة للمقبرة بعدني ماواصل مقبرتهم وزهرة شهكاتهة بدت تعلة حتى لجهال خنسو بدون صوت لاول مرة هيج اتصير زهرة رغم هذا هي حاضنة جعفر ابد ماعافتة عبالك تحس حيصير شي وصلنة جبت مي غسلنة لقبر وقرينة لفاتحة وعفتهة براحتهة اخذت منهة لجهال شوية ابتعدنة جان اسمعهة تصرخ
ياااااابة هاي جهالي جبتهم الك شوفهم هذا جعفر سميتة الاسمك ماجايبتة يمك لان صغير واخاف علية من لطريق بس جبتة الك لان ردتهم وردت تشوفهم ياااابة اشتاقيتلك واشتاقيت لحنانك محد عوض مكانك
يابة انت مااشتاقيت لشمامة كلبك احسك هسة شلت مو صارلك سنين جرحك ماطاب ابد والله
ماخلوني الحك جنازتك بقت حسرة بكلبي وداعك لحد هسة متروح مني من يومهة ممصدكة انت شايل اااااااخ يابة
طيفك اذاني يابة
وهواي كلام جانت تحجي بس ممفهوم منه شي مابيدي شي عليهة خليتهة ترتاح يمة رجعت لجهال بالسيارة رجعت عليهة حضنتهة واخذتهة للسيارة بعد ماودعنة لگبور شوية رجعتلهة لكشن علمود ترتاح ولبنات ليورة بس جعفر بحضنهة مسنح كلت يجوز بسبب حرارة لجو وهوه مريض هيج صار بي عليتلهم لتبريد بديت اتقرب على محافظتنة لبنات نايمات وزهرة بدون صوت بس عيونهة للطريق
زهرة... محمد نصي لتبريد جعفر جسمة بارد فكتة لصخونة يجوز
تمام حبيبي خلي ولا يرجع يصخن وينشمر مرة ثانية مابقة شي نوصل للبيت
وصلنة للبيت بس نزلت لبنات زهرة قبلنة راحت كالت اغير لجعفر خطية تعبان سلمت وصعد فوك جانت زهرة مغيرة لجعفر وهي بالحمام مااعرف شلون عيني صدت علية اشوفة بصعوبة يتنفس ركضت علية وية طلعت زهرة
شكووووو شبي جعفر
ها مابي مابي شي بس بس تعاي شوفي
بس تقربت يمة فتحت عينهة بصدمة جانت اكو طكع زراك خفيف بصدرة مختنك بس ب بسرعة خلي نلحك علية
مااعرف شلون لبست عبايتهة ونزلنة نركض بي لبنات بعدهن يم اهلي جوه شافتنة امي صاحت
شكووووو شبي لطفل
مااااعرف يمة بعدني ممكمل سمعت صرخة زهرة تستعجلني اروح طفر وياية وعد وابوية
زهرة.... ااااااستعجل محمد ابني راح يموووووت
جانت هاي لكلمة كفيلة توقفني وتخليني بعد مااكدر اتحرك اله وعد هزني واخذ سويج لسيارة مني صعدنة وزهرة مخلية جعفر بحضنهة وتسويلة الاسعافات الاولية بس ايدهة ترجف سمعت ابوية يكول الحگكم وية رعد نص لطريق اجتني لكلمة لكفيلة تهدم لدنية على راسي بس بصوت مكسور وتعبان
زهرة...... مااااات ابني مات انتهة ابني
انداريت عليهة حاضنة جعفر لگلبهة وتشم بي بس جانت شفتة بيهة زراك خفيف مديت ايدي علية قطعة ثلج رجلية وايده
وصلنة للمستشفى بس ردت اخذنة منهة ماقبلت تنطي الية اول ماطبينة ومن شافو زهرة نخبصو اصدقائهة عليهة لان جان اقرب مستشفى علينة يركضون وراهة ويصيحون دكتورة بس خلينة نشوفة شبي
اجة دكتور جبير بالعمر اعتقد رئيسهة باوعتلة بكل خذالان وكسرة قدمة جعفر بيد ترجفر
انقذ حياته ابني ماكدرت انقذة انت افهم مني ساعده دكتور
راد يوكع جعفر من ايدهة ركضو لمساعدين اخذو منهة ولدكتور وراهم خلوه على لسدية بده يفحص بي جنت كلي امل مابي شي بس من جابو لصدمات انتهة كلشي لدنية توقفت اهنا بعد زهرة فقدت ركضت عليهم تصرخ لاااااا مايتحملهن يتأذة صغير بعدة جانو بكل احترام يطلبون منهة تطلع لان ميصير تبقة تعطل شغلهم ماعندي لقدرة اطلعهة شفت وعد حضنهة وسحبهة برة سلمهة ابني وتغطة وجهة لحلو من لدكتور طلع وعزاني بي زهرة ماشفتهة بعد نقلوهة الطوارئ
كال اسند حيلك علمود تفتهم الي اكولة هسة راح نخلي بالبرادات لحد متكمل الإجراءات قانونية
مو يمة ولا وياه رعد راح كمل كلشي فيصل وسليمان جانو بالدوام انكلبت لمستشفى علينة
امل..... دك علية رعد كال خلي واحد يجيبج انتي وخالدة للمستشفى ابن محمد انطاج عمرة
لاااااااا يمة وليدي اسم الله علية شبيك رعد شتحجي
الي سمعتي محمد وحرمتة كلش منتهين خبري لبنات يرحن للبيت وانتن تعالن يم حرمة محمد اريد اكمل الإجراءات
(الي يردون الاضافة لكروب الماسنجر ارسلي طلب صداقة ال Um Dima وراسليهة هي اضيفج )
صدمة عمري صح جان مريض خاصة اول يومين كلش جان بس من اخذو للدكتور شوية تحسن مابي شي واليوم امي كالت جانت حلمانة باابوهة وطلعو للنجف هي وجهالهة اخذهم اخوج اجة يونس علينة اخذنة ورحنة للمستشفى جان محمد محني ظهرة وزهرة نايمة ولمغذي بيدهة مااكدر اوصللكم لحالة لجنة بيهة بس لمجرب راح يعرف ويحس
اجة لدكتور سحب محمد ورعد على صفحة يحجي وياهم بدت زهرة تصحصح وتهذي بااسم ابنهة فزة وعينهة بمحمد الي جان يحجي بصوت ناصي لا تسمع يكول النه لدكتور طلب مني اوقع على اوراق لتشريح يعرفون سبب لوفاة جان تصرخ زهرة
لااااااا محمد ديربالك اتسويهة والله ماابقالك بالبيت ابني صغير وينة وين لتشريح ابد لا تسويهة
طفر عليهة خلاهة بحضنة كال
مااسوي شي غصب عليج وهذا ابني مااكدر هيج اسوي
دير بالك اتسوي بية مثل فيصل وتودي من وراية مااريد اعرف لسبب بس اريد ابني وينة وين خليتو جيبو الية
رعد.... كولي يالله خوية طفل مكانة لجنة بعد هذا يومة انتهة كلنة بهذا لطريق
باوعتلة بكسرة كالت ريتني اني ولا هوه
اجة لدكتور علمود لموافقة هم حجة وية زهرة بس كال مبدئي لتشخيص اسبابة بالقلب
رعد.... قصدك سكتة قلبية
لا بس توقعنة هوه التهاب بعضلة القلب او تلف بيهة وهوه لان طفل ماكدرتو تعرفونهة مبكر لان ميكدر يكول شنو يأذي لذالك بالتشريح راح نتأكد
لااااا والله دكتور مااخلي ابني جوه لتشريح ابد
بنتي انتي دكتورة واعية وهذا امر الله بعد لازم تتقبلين لواقع
باوعت لمحمد تهز براسهة بلا كالت الحمدلله على كل حال متقبلة امر لواقع بس مستحيل اقبل ابني يتشرح محمد اريد ابني
بعد محمد راح كمل الاجراءات وجاب جعفر عبالك نايم فزت زهرة من مكانهة وخلتة بحضنهة موقف يشلع لكلب مااكدر اكملة كلة مجرد جزء بسيط انقلة الكم
مسحت براسة وتبوس جفوف ايدهة تحجي وياه بكل هدوء سندهة محمد وطلعنة بالسيارات اسمعهة تكول
امي حبيبي ليش جسمك بارد بردان يروح لمامة ليش ماانتظرتني ارضعك اعرفك جوعان بس كلت اسبح وارضعك ليش استعجلت بروحتك مني والله درت بالي عليك اكثر من روحي شنو لقصور لسويتة معقولة اني ام فاشلة ماعرفت ابني مريض بالقلب بس والله مجان عندك اي اعراض حبيبي انت ردتك سند لخواتك ليش عفتنة ورحت
وصلنة للبيت وجان لبيت مكلوب علينة بالناس كلهة ملتمة نزلت زهرة بكل هدوء وابنهة بحضنهة عبرت لكل وراحت لغرفتهة صعدت وراهة وجنت خايفة عليهة كلش سكوتهة يخوف بس دموعهة تنزل خلتة على لجرباية نزعت كل ملابسة دخلتة للحمام سبحتة وطلعت احلى شي عنده من ملابسة خلتلة بودرة مال اطفال وعطرتة عدلت شعرة كل هذا وهي ساكتة بس دموعهة تنزل وشهكاتهة لتراك لجان لابسة ضمتة اخذتة لحضنهة وتمددت على لجرباية بدت تشم بي من كل مكان اهنا اني بعد ماتحملت نزلت جوه اصرخ والطم على لمنظر لشفتة وكسرتهة طب محمد على صوتي
شكوووو شصار
مرتك
بعدني ممكمل طفر فوك عليهة طفرنة وياه من فتح لباب جمد بمكانة على منظرهم مخليتة على صدرهة وتمسح بظهرة وتبوس بي ومااعرف شنو تحجي
امي طلبت من لكل تنزل وتعوفهم لوحدهم بس اني بقيت ماكدرت اعوفهم بهيج وضع
تقرب عليهة محمد بهدوء يحجي وياهة
زهرة حبيبتي الي تسوينة ميصير حرام
اعرف بس جنت مشتريتلة هاي لملابس جدد وهوه ملبسهن هسة سبحتة ولبستهن اله
اي يروحي كلش حلوات انطينياه خلي يرتاح بمكانة
ليش بحضني ممرتاح
لا مرتاح بس يتعب لازم نخلي بمكانة
بس لجو حار اخاف علية
يم رب كريم احن منج ومني علية
تاخذني وياك
تموتين وراه لو شفتي
اهنا زهرة بچت كالت.... جنت اعرف بي راح يروح مني بس ماتوقعت بهاي لسرعة
هذا يومة انتهة كلنة بهذا لطريق حبيبتي
مامعترضة بحكم الله بس اخذني وياك اني ا غصت بكلمتهة اغسلة بيدي
خايف عليج حبيبتي
وخايفة يفز ومايلكاني يمة لا تحرمني من اخر ساعاتي وياه
انطينياه يلة كومي ميصير هيج يبقة
بس تعال شمة شوف شكد طيبة ريحتة
تقرب محمد وشمة من نحرة بعد ماتحمل محمد فقد اخر ذرة صبر عندة جان يعيط
ااأاااااااخ يابوية ردتك تدفني بيدك بس نعكست الادوار......(بعد مااكدر اكمل كلش صعب لموقف الله يساعدهم )
طلعو للمغيسل وكلهة اعترضت بروحة زهرة على لتغسيل بس محمد ماسمع من احد امي راحت وياهم بس حجي لناس يموت قهر هي بياحال وبس طلعت لناس كامت تحجي عليهة
من لكاعدات مراح اسمي بالاسم راح ارقمهن الكم للحياية
1... لج عيني هي هسة صارت حنينة وام جان عافت شغلهة وكابلت ابنهة وكعدت
2**لا ولااخس من هيج محد يلومهة ويلوم تقصيرهة طفل مصخن اروح بيهم للنجف شنو لميت راح يشيل خوما يشيل
1,, , , ياخية اسكتي هسة يسمعنج ويطلعنج انتي لغلطانة وهي مابيهة غلط عبنهة عدهة فلوس ماشفتي بعرس اخو شسوه موت نفسة عليهة عاميتهم بفلوسهة زفاهة قبل لا اخو يزف عروستة
2,, , , ليش مانعرف سوالف لنسوان بس حتى تنهزم من لشغل عمي عاميتة بسحورتهة ومحد كشف عمايلهة كلهم معميين
1,, هنوب خطية هل عروس غاصة لراسهة بالشغل تشوفيهة لا حجت ولا كالت
2,, خية حضوظ قابل مثل حظنة تشوفي عايف لزلم لبرة ويركض عليهة هلبت احنة هم هيج سوولنه
1,, , انه من ماتت بتي ابوهة سحلني بالشارع يكلي صوج بي ماعرفتي شلون تحافضين عليهة عجل على هاي شيكول مخلصتهة تفرفر بالمستشفيات
2,, انه من زلمتهة ابطلهة واخليهة تكسر ظهرهة على هل بنيات لبقن لو اخذ حرمة ثانية واكسر خشمهة
بسمة..... اهنا بعد خلص صبري بالغوة مالتهن انداريت عليهن وحجيت
اكلجن اشو انتن ماتحترمن اكعد كدام لمخبل وسب اهلة احنة بياحال وانتن كاعدات تحللن بحياتهم جاي اتشوفون بعينكم لمرة منتهية صوتهة ماطلع
2,, طبعا مايطلع لان مذنبة
ياااا مذنبة هييييي احترمي نفسج ترة انسه انتي منو وعمرج هم الي تحجين عليهة لعاميتنة بسحورتهة بس خلي بناتكم توصل لضفر رجلهة بعدين احجو عليهة مربية جهالهة احسن تربية لا يوم خلتهم بعازة احد ولا يوم ربتهم بالضرب واحدهم جنة لعافية بس طفل مريض وراح شلون نعادي حكم الله
1,, اي عجل احنة مابينة واحد مريض بالگلب هي جابتة وياهة من بيت اهلهة والله مر فحلهة اله اخذ عليهة مرة لو تعوف شغلهة
ليشششش درست وتعبت بالتالي تجين انتي حضرتج تردين اتبطليهة علمود ترتاحين بيج خير روحي كولي لفحلهة تانشوف شيسوي بيج
2,, , ياااا عجل اكلة شني خايفة
امل.... لازم عندج بنية بايرة وتردينهة لاخوية عيب هذا لحجي هسة ينفتح لمرة حلكهة متروس دم ابنهة مادافنتة وانتن كاعدات تاخذن غيبتهة واذا على سحورتهة محمد ميت عليهة ويكلهة كل مايخلص سحرج رجعي جددي الية مااريدج تبطليني من محبتج
خالدة..... بس كافي ماتستحون شوية احترمو خصوصية اهل لبيت وانتم عيني بيتنة يتعذركم ويتعذر كلمن يجيب طاري بناتنة وهسة يلة بدون زحمة عليجن مانريد ازعاجات اهلهة وصلو ومانريد احد يغثهم لبينة مكفينة وفاتحتنة خلصت الله وياجن انشالله نردهن الجن بااعز شخص عليجن
1,, يااااع ولج اط
خالدة.... حنييييين وصلي خطارنة للباب خلصة لفاتحة
شوية وطبو بيت اهلهة امهة خطية تمشي وتوكع وعينهة ادور على بنتهة
اجة ابن رعد كال الامهة عمو علي يكول تعاي نروح لعمة زهرة
طفرت امهة واختهة راحن للمغرب يالله اجوي من لدفنة زهرة صايرة اجنازة محمد طببهة وهوه شايلهة لا تحرك ايد ولا رجل صعدهة فوك ساعة 12 بليل رحت اطمن عليهم لكيتهة مكورة نفسهة بحضن محمد وتشهك مثل لطفل اسمعهة تكل صدري متروس حليب شلون بية شلون انام وهوه مو يمي نزلت جوه ودزيت روح وديمة عليهم كلت بلكي شوية ترتاح من اتشوف بناتهة ليل كلة كل شوية اصعد اسمع شهكاتهم ثنينهم ساعة 5 لفجر نزل محمد كوة يحجي
ها بشر شلونهة
اذا تبقة هيج اتموت وره ابنهة
حقهة خوية مو قليل لصار بيهة لموت لمفاجئ يذبح
مابيدي شي اسوي
الله يعينكم
نزلت ديمة تركض
بااااااااابة باااااابة
شكوووو شبيج
ماااااامة
بعدهة ممكمل طفر محمد فوك طفرة وراه زهرة بالحمام تتقيئ وخشمهة ينزف وكعت بالحمام لفهة محمد وركضنة بيهة للمستشفى جان ضغطهة مفول ضربوهة ابرة مهدئ كالو لمحمد كل ما تتعب انطيهة جرعة بسيطة لحد ماتتخطة لصار لان مجاي اطلع لصار كاتمتة بداخلهة ساعتين بقينة بالمستشفى ورجعنة امي كالتلة خليهة بغرفتي عيني عليهة
وهيج بقت حالة زهرة اسبوع كامل
لفاتحة يومين صارت لان طفل
بس زهرة بسبب لحليب الي تكدس بصدرهة بده يورم وصخنت عليهة الي فاطمة طفل تعرف لمعانات
بيوم لاربعاء كعدت بس كوة تتحرك طلبت من محمد يرحون للسوك طبعا محمد بعد ماراح للدوام اخذ اجازة وتخلص اجازة لخميس راحو وبعد مرور وقت رجعو جانت جايبة كومة غراض مال اطفال وملابس وكلشي يخص لطفل الي بعمر ابنهة كعدت كلة رتبتة بجنط جان امي تكلهة
يمة زهرة هذا لسويتي هسة كلش زين وربج يفرح بي بس لازم تتبرعين بملابسة وكل غراضة موزين يبقن بغرفتج
ماحجت شي بس دموعهة تنزل صعدت فوك طلعت كل ملابسة بس كل قطعة اطلعهة اتشمهة وتنشغ بيهة انطت كل لملابس اله اثنين لتراك لجان ينام بي ليومي واخر تراك نزعتة منه هذني ضمتهن بملابسهة خلتهن بجنط صاحت لمحمد يفتح لجرباية مالتة من هذني لتركيات ابيض جان اني وهجران نزلنة كل لغراض محمد خلاهن بالسياره هوه وعد شكد مامكسور محمد بس يبين قوتة كدامهة علمود لا توكع راحو لبيت مسافة من عدنة شوية حالتهم ضعيفة
نقل من لسان وعد
ــــــــــــــــــــــــــــــــــ
من وصلنة للبيت نزلت زهرة دكت لباب يمكن لمرة تعرفهة لان رحبت بيهة وجبرتنة ننزل للبيت
زهرة..... ام انس جبتلج كلشي يخص ابن روحي تتقبلينهن لو لا
يمة دكتورة شلون مااتقبلهن وين اكو احسن منكم
بس بشرط
امريني
كل فترة اجيبين انس الية وهوه لابس من ملابس ابن روحي وكل ماعطرة يخلص تنطيني خبر اني اجيبة الج
تدللين دكتورة
اجة انس الي من عمر جعفر ركض على زهرة وبلسان مكسر يحجي خالة زهرة اشتاقيتلج
اخذتة وحضنتة تبوس بي ولطفل نايم بحضنهة ويضحك مبين متعود عليهة نزلنة الاغراض ونصبنة لسرير اله اشوف لطفل طار من لفرح بيهن طلعت زهرة دبدوب جعفر الي جان مينام اله يحضنة وانطتة ل انس وباقي الاغراض الي جابتهن من لسوك لحد لممة ولحليب ولحفاظات جانت جايبتهن
طلعنة من بيتهم بدون كلام زهرة رجعت راسهة للكشن وغمضت جان تكول محمد وديني لابني
ميصير بوية موزين
فدوه اخذني اله بس اشوفة الله عليك
فر محمد لسيارة ورحنة للمقبرة مال اطفال يمنة ماكدرت انزل وياهم
رجعو اثنينهم. واحد اكثر من لثاني تعبان
محمد.... وعد باجر تخلص اجازتي طالبك يخوي بشي
ابشر عدعيناك خوية
زهرة اتريد تزرع اطرف احم ل شسمة ورد وخضار انت تكدر تتكفل بي
اي والله تدلل وعد مني كل يومية اجي اسكي لزرعات واذا مااجيت اوصي لموجود اهنا هوه يسكيهن
بعد محمد راح للدوام زهرة سكنت لغرفة كل ماندخل عليهة مكابلة لصور ولملابس كلش تغيرت
دكيت على محمد وحجيتلة لصار
محمد لازم نسوي شي لصور راح تموتهة
شتريديني اسوي قابل امسحهن وتموت وراهن
عجل شلون خوية تتحمل مرتك تموت لو تنجلط وراه ابنهة وبسبب لصور عدهة البوم كافي
امل شناوية تسوين
مااسوي شي بس اخلي حمودي ابني يمهة بحجت يلعب بالتليفون ويوكع ينكسر وخلص اخذلهة غيرة
لا امل والله تموت لج كل ماتحجي وياية تكلي لمعيشاتني لصورة مالتة
محمد خوية خليهة تنجوي وتطفة ترجع لطبيعتهة
لأ والله امل عوفيهة اني من اجي اقنعهة شوية شوية تمسح منهن لحد ماتتقبل لواقع
هوه ويامن اني احجي فرغ تليفونك من صورة بعدين احجي وياك
امل روحي لابنج لاتخليني ابتلي بيج وديري بالج تسوينهة والله اسوي يومج اسود كافي لهي بي
سديتة وسكتت
كلمن رجع لطبيعتة اله زهرة ومحمد تحس روحهم انسلبت بعده زهرة رجعت للدوام بس جثة هامدة بدون روح هنوب صار بيهة سولة اي واحد يوصلهة للدوام من لولد لو بالروحة لو بالرجعة يمررهة للمقبرة تسكي لزرعات وتطمن على ابنهة يالله ترجع لان لمقبرة بطريق لمستشفى قريب عليهة زهرة صارت مثل روبوت تروح للدوام ترجع تكمل احتياجات بناتهة تكمل شغلهة تحضن تراك ابنهة وتنام كامت تخاف على بناتهة شكد جانت مخلية بالهة عليهن هسة اكثر صارت بحيث روح شوية تمرضت بسبب لجو حار وتسبح كدام لبرودة تبقو تاخذهة وياهة للمستشفى متبقيهة بالبيت هيج كامت تخاف عليهن وهاي كلشي يخص اختفاء زهرة وسبب اختفائهة كل كلمة منقولة من امل للكاتبة اما زهرة الله يصبرهة ويعوضهة بالاحسن منهة.....
توضيح
شلون هيج امل وصلتلي لمعلومات...
اني عندي تواصل وية لبنات كلهن حتى وية استاذ محمد كل يوم نسأل على بعض بس صار عندي شغل والتهيت بي اله بليل كاعدة اجاني اشعار على لفيس شفت وحدة من لبنات مراسلتني كلت يجوز عدهة شي مجان بالي علمود زهرةبعد لسلام كالت متعرفين اخبار زهرة احنة صديقاتهة بالكروب وبالنه يمهة ومختفية صارلهة كم يوم اني اهنا بالي ظل عليهة كلت هسة اشوفهة دكيت على زهرةاكثر من مرتين مجاوبتني بالثالثة ديمة ردت علية كالت مامة مريضة ونايمة ظل بالي بالازيد رجعت دكيت على هجران كذالك خارج لتغطية شفت منشور لاستاذ محمد وتعزية ظل بالي عليهم دكيت على امل وحجتلي لصار ف اني كتلهة انزل بي منشور كالت لا خاف زهرة تقرة لبارت وتنتكس حالتهة بالازيد بعدين كتلهة سألي استاذ محمد اذا يقبل لان هسة متابعينكم بالهم يمكم وخاصة صديقاتهة بالكروب اذا يقبل علمود انزل باليوميات ومن بعد لموافقة كتبتلكم هذا لبارت الي يكطع لگلب علمود تعرفون شنو سبب اختفاء زهرة
اسأل الله ان يريح قلبك 💚
انتي عزيزة علينة ربي لا يضرج بشي انشالله
ننتظرج بااقرب وقت
شكرا لزيارتكم عالم روايات حكايتنا
✨ روابط حكايتنا الرسمية
للمزيد من الروايات الحصرية زوروا موقع حكايتنا للروايات الحصرية.
المصدر: للموقع حكايتنا للروايات العربية
